“才開業一年多的 resort, 硬件都好新淨, 好舒服, 服務配套都好好, 個個員工都好親切, 住了五天真係有家的感覺。
島都算好大, 全長三公里, 雖然出入一定要坐電動車, 但都好快有車, 又或者租單車代步又得~ 島上有成十間餐廳, 食物好好食, 全包 package 可以免費試晒全部餐廳, 非常好~ 對住個海做spa好舒服, 差一點睡著了。出海看海豚, 看日落, 大成功~
另外 aqua Villa with jacuzzi 好正, 每天一覺醒來就跳落海浮潛。水不深, 潮漲時也只到心口高度, 而且房間對出已經有少少珊瑚石, 都有好多魚, 雖然唔係好鮮艷嗰d, 但已經好夠睇, 唔夠的話 resort 另有船出海浮潛(免費), 所以五日喺度一點也不悶! ”
