"大致上所有嘢都很好很Grand，樓層高度很好俯瞰整個明洞區的繁華，但沒有被噪音騷擾（隔音設備很好），12:00am窗外面嘅所有電子屏幕及大型電視全部關閉回復平靜沒有光污染！可以好好欣賞城市繁華背後的寧靜的夜景！
員工方面，所有職員服務態度一流！由於Uber taxi 司機停在酒店嘅背後，所以拖住行李篋行返去前門又熱又重又人多好辛苦，好在門前都有幾部流動冷氣機吹住行過嘅客人，職員離遠見到我們一家三口，以經一個接一個嘅職員衝上前幫手攞行李及招呼帶路check in，英語水平亦很流利，本來標準係11:00am checkout 幫忙改成1:00等我們有足夠時間休息及收拾行李（窩心）！checkout當日，門外面嘅兩三個職員跑過來幫我們搬行李上的士，還幫忙用韓文叮囑的士司機趕路往機場（因為他們曾經問我航班時間，及知道往機場這段時間是很塞車）門前幾位職員實在太用心幫忙住客了（萬分感激）！
住咗三晚都好滿意，只係略嫌淋浴間shower room去水渠口曾經淤塞導致水浸及玻璃門膠邊滲漏，夜晚12:00都要即時搵人處理！House Keeper女士帶着三大條毛巾，要跪低在地上抹去地板上嘅所有積水（實在令我們覺得太唔好意思）萬分抱歉及感謝；另外，浴缸去水掣有少許失靈，導致去水比較慢！所以浴室保養及維修應該要認真地改善一下吧！
其餘的，他每一個細節都做得很好，由於每晚都送一支香檳而我哋冇需要，所以換成生果俾我們！整體上嚟講都好滿意每一方面！如果再去首爾明洞區我都會住返這一間酒店！"
